भाजप प्रदेशाध्यक्ष चंद्रकांत पाटील आणि शिवसेना खासदार संजय राऊत यांच्यातील आरोप प्रत्यारोपांची मालिका अद्याप सुरूच आहे. दरम्यान चंद्रकांत पाटील यांना नागालँडचे राज्यपाल करण्यात येणार आहे असं माझ्या कानावर आलय असा टोला संजय राऊतांनी लगावल्या नंतर चंद्रकांत पाटील यांनी देखील राऊतांना जोरदार प्रत्युत्तर दिले आहे.
चंद्रकांत पाटील म्हणाले, संजय राऊत यांना कोणी सिरियसली घेत नाही. माझ्या पण कानावर आलंय की संजय राऊत याना अमेरिकेत राष्ट्राध्यक्ष म्हणून पाठवणार आहेत.
दरम्यान उद्धव ठाकरे यांनी औरंगाबाद येथील कार्यक्रमात माझे आजी माजी आणि एकत्र आले तर भावी सहकारी म्हणल्यानंतर भाजप- शिवसेना युतीच्या शक्यतेची चर्चा रंगली. याबाबत विचारले असता उद्धव ठाकरे यांच्या मनात नेमकं काय आहे ते मला माहित नाही, त्यांच्या मनातलं कळायला मी काही मनकवडा नाही अस म्हणत चंद्रकांत पाटील यांनी या विषयावर बोलणे टाळले.
