आयआरसीटीसी (IRCTC) कडून १८ सप्टेंबर रोजी भारतामधील पहिली इंडिजिनिअस क्रूज लायनर (Indigenous Cruise Liner) लॉन्च केली जाणार आहे. कोरडेलिया क्रूझ (Cordelia Cruises) या खाजगी कंपनी सोबत त्यांची पार्टनरशीप आहे.
दरम्यान आयआरसीटीसी वेब पोर्टल (IRCTC Web Portal) करून त्याचं बुकिंग लवकरच खुलं केले जाणार आहे.
देशांतर्गत आणि इंटरनॅशनल अशा दोन टप्प्यांमध्ये ही क्रुझ लायनर प्रवाशांसाठी असणार आहे. मुंबई ते गोवा, दीव, कोच्ची, लक्षद्वीप आयलॅंड आणि श्रीलंका या सागरी किनारपट्टीवर असलेल्या भागामध्ये प्रवासाची संधी मिळणार आहे.
भारतामध्ये क्रुझ कल्चर आणि बोटीच्या प्रवासाचा आनंद मिळावा म्हणून कोरडेलिया क्रूझ (Cordelia Cruises) प्रयत्न करणार आहे.
#IRCTCTourism brings to you the ultimate cruisecation on #India's first premium cruise liner, #Cordelia Cruise. With breathtaking views & world-class services, this city on the sea is everything you've dreamt of & more. #Booking & #details on https://t.co/FWe8nzhxMJ
— IRCTC (@IRCTCofficial) September 14, 2021
टूर डेस्टिनेशन पुढील प्रमाणे :-
मुंबई – गोवा – मुंबई (2N)
- मुंबई – दीव – मुंबई (2N)
- मुंबई – अ‍ॅट सी – मुंबई (2N)
- कोच्ची – लक्षद्वीप – अ‍ॅट सी – मुंबई (3N)
- मुंबई – अ‍ॅट सी – लक्षद्वीप – अ‍ॅट सी – मुंबई (4N)
- गोवा – मुंबई – अ‍ॅट सी -लक्षद्वीप – अ‍ॅट सी – गोवा (5N)
- चैन्नई – अ‍ॅट सी – कोलंबो (2N)
- चैन्नई – जाफना – चैन्नई (2N)
- चैन्नई – अ‍ॅट सी – कोलंबो -ग्वाल- ट्रिंगकमाले – चैन्नई (5N).
कोणकोणत्या सोयी-सुविधा मिळणार :-
कोरडेलिया क्रूझ (Cordelia Cruises) वर रेस्टॉरंट, स्विमिंग पूल, बार, ओपन सिनेमा, थिएटर, किड्स एरिआ, जीम असणार आहे.
या सुविधा इंटरनॅशनल क्रुझ लायनर प्रमाणे देण्याचा प्रयत्न होणार आहे. सुरूवातीला मुंबई बेस वरून गोवा, दीव, लक्षद्वीप, श्रीलंका येथे प्रवास करता येणार आहे.
तर दुसरा टप्पा मे 2022 पासून सुरू होईल त्यामध्ये कुझ चैन्नईला शिफ्ट केली जाईल आणि श्रीलंकेच्या कोलोम्बो, ग्वाल, ट्रिंगकमाले आणि जाफना (Colombo, Galle, Trincomalee, Jaffna) ला प्रवास करता येईल.
