येत्या ३ ऑक्टोबर रोजी महाराष्ट्र प्रदेश काँग्रेसचे महासचिव व माजी आमदार आशिष देशमुख यांच्या काँग्रेस प्रवेशाला तीन वर्ष पूर्ण होतील. २०१८ मध्ये खासदार नाना पटोले यांच्या पाठोपाठ भाजपचे बंडखोर आमदार आशिष देशमुख यांनी गांधी जयंती आणि वर्धेतील काँग्रेसच्या कार्य समितीचा मुहूर्त साधून आमदारकीचा राजीनामा देत काँग्रेसचा हात हातात घेतला.
आता परत भाजपा उमेदवाराचा प्रचार करतानाचे छायाचित्र व्हायरल झाल्याने काँग्रेस कार्यकर्ते प्रकाश वासू यांनी प्रदेशाध्यक्ष नाना पटोले, शिस्तपालन समितीचे अध्यक्ष पृथ्वीराज चव्हाण व महाराष्ट्राचे प्रभारी एच. के. पाटील यांच्याकडे देशमुख यांच्या हकालपट्टीची मागणी केली आहे.
