सर्वच राजकीय पक्षांनी मुंबई महापालिका निवडणुकीची जोरदार तयारी सुरू केली आहे. त्यातच विविध पक्षांमध्ये इनकमिंग होणार असं चित्र आहे. मुंबईत शिवसेना-भाजप यांच्यातील जुगलबंदी सुरू असतानाच शिवसेना नेत्याने केलेल्या दाव्याने राजकीय वर्तुळात खळबळ उडाली आहे.
भाजपचे जवळपास १५ ते २० नगरसेवक डिसेंबर महिन्यात शिवसेनेत प्रवेश करणार असून ‘शिवबंधन’ बांधणार असल्याचे मुंबई महापालिकेचे स्थायी समिती अध्यक्ष आणि शिवसेना नेते यशवंत जाधव यांनी दावा केला आहे. जाधव यांच्या विधानानंतर एकच खळबळ उडाली आहे.
पक्ष नेतृत्त्वाच्या मनमानी कारभाराला भाजपाचे काही नगरसेवक कंटाळले असून जवळपास १५ ते २० नगरसेवक शिवसेनेत प्रवेश करणार असल्याचा दावा यशवंत जाधव यांनी केला आहे.
