नागरीकांनी केला संताप व्यक्त
कोरोनामुळे मृत झालेल्या व्यक्तीच्या कुटुंबीयांना 50 हजार रुपयांची मदत देण्यासाठी शासनाकडून मृत व्यक्तीच्या नावाची खातरजमा करणे सुरू आहे आणि याच कामांमध्ये बीड जिल्ह्यातील अंबाजोगाई शहरात चक्क 216 जिवंत माणसांचा समावेश हा कोरोनामुळे मृत्यू झालेल्याच्या यादीत करण्यात आल्याने नागरिकांकडून संताप व्यक्त केला जात आहे.
यापूर्वीच अनेक कोरोना मृतांचे नाव शासनाच्या पोर्टलवर नोंदवण्यात आले नसल्याचे उघड झाले होते. आता मात्र जिवंत व्यक्तीचे नाव नोंदवले गेल्याने आरोग्य विभागाचा गलथानपणा पुन्हा एकदा समोर आला आहे.
