1. मुंबई : कमला नगरमधील झोपडपट्टीत लागली भीषण आग. 2. दिल्लीचे उपमुख्यमंत्री मनीष सिसोदिया यांच्यावर 'फीडबॅक युनिट' या कथित स्नूपिंग प्रकरणात भ्रष्टाचार प्रतिबंधक कायद्यांतर्गत खटला चालवण्यास गृह मंत्रालयाने दिली मंजुरी. 3. हरित ऊर्जेला मुख्य प्राधान्य देण्याच्या भारत सरकारच्या निर्णयामुळे खुश आहे: डेन्मार्कचे एन्व्हॉय.

केंद्रीय गृहमंत्री अमित शहा नागपुरात

नागपूर: केंद्रीय गृहमंत्री अमित शहा तीन दिवसीय महाराष्ट्र्र दौऱ्यासाठी आज दि. १७ फेब्रुवारी रोजी शुक्रवारी सायंकाळी नागपूरमध्ये दाखल होतील. शनिवारी ते नागपूर येथून पुण्याकरीता रवाना होतील, तेथून पुढे रविवारी कोल्हापूरला जातील. त्यांचे शुक्रवारी रात्री ७.४५ वाजता विशेष विमानाने नागपुरात आगमन होईल.

सकाळी ते दीक्षाभूमी, रेशीमबाग येथील हेडगेवार स्मृतिमंदिराला भेट देतील. रेशीमबाग येथील कविवर्य सुरेश भट सभागृहात सकाळी ११ वाजता हा समारंभ होणार आहे. या कार्यक्रमाला राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस हे कार्यक्रमाचे सन्माननीय अतिथी असतील.

अमित शहा यांचा नागपूर दौरा लक्षात घेता सुरक्षा यंत्रणांचा कडेकोट बंदोबस्त राहणार आहे. विमानतळापासून ते त्यांचे मुक्कामस्थळ तसेच कार्यक्रमस्थळी वरिष्ठ अधिकाऱ्यांसह मोठा फौजफाटा तैनात राहणार आहे. याशिवाय वाहतुकीचे देखील नियोजन करण्यात आले आहे. वरिष्ठ अधिकाऱ्यांच्या गुरुवारी यासंदर्भात बैठका चालल्या व सुरक्षा व्यवस्थेचा आढावा घेण्यात आला.

दरम्यान, गृहमंत्री अमित शहा यांच्या दौऱ्यानिमित्त मुख्यमंत्री एकनाथ शिंदे व उपमुख्यमंत्री देवेंद्र फडणवीस हे देखील शुक्रवारीच नागपुरात येणार आहे. मुख्यमंत्री हे सायंकाळी ७.४५ च्या सुमारास डॉ. बाबासाहेब आंबेडकर नागपूर आंतरराष्ट्रीय विमानतळावर पोहचतील व तेथेच गृहमंत्र्यांचे स्वागत करतील.