पंतप्रधान नरेंद्र मोदी यांनी आज वंदे भारत एक्सप्रेसला हिरवा झेंडा दाखवला

1. मुंबई : कमला नगरमधील झोपडपट्टीत लागली भीषण आग. 2. दिल्लीचे उपमुख्यमंत्री मनीष सिसोदिया यांच्यावर 'फीडबॅक युनिट' या कथित स्नूपिंग प्रकरणात भ्रष्टाचार प्रतिबंधक कायद्यांतर्गत खटला चालवण्यास गृह मंत्रालयाने दिली मंजुरी. 3. हरित ऊर्जेला मुख्य प्राधान्य देण्याच्या भारत सरकारच्या निर्णयामुळे खुश आहे: डेन्मार्कचे एन्व्हॉय.

नागपूर: पंतप्रधान नरेंद्र मोदी यांनी आज वंदे भारत एक्सप्रेसला हिरवा झेंडा दाखवला आहे. सीएसएमटी ते सोलापूर आणि मुंबई ते शिर्डी दरम्यान या मार्गावर या दोन्ही वंदे भारत एक्सप्रेस चालणार आहे. या उदघाटनानंतर पंतप्रधान मोदी यांनी उपस्थितांना संबोधित केले.

दोन्ही नवीन गाड्या छत्रपती शिवाजी टर्मिनस (सीएसएमटी) येथून सुरू होतील. एक गाडी मुंबई-पुणे-सोलापूर मार्गावर धावेल. दुसरी मुंबई-नाशिक-साई नगर शिर्डी मार्गावर धावेल.

मुंबई ते पुणे चेअर कारसाठी 560 रुपये ते एक्झिक्यूटिव्ह कोर्टसाठी 1135 रुपये, मुंबई ते सोलापूर चेअर कारसाठी 965 रुपये तर एक्झिक्यूटिव्ह कोर्टसाठी 1970 रुपये, मुंबई ते नाशिकसाठी चेअर कार 550 रुपये तर एक्झिक्यूटिव्ह कोर्टसाठी 1150 रुपये, मुंबई ते शिर्डी चेअर कार 800 रुपये तर एक्झिक्यूटिव्ह कोर्ट साठी 1630 रुपये मोजावे लागणार आहेत. तर वंदे भारत एक्सप्रेस दादर, ठाणे आणि नाशिकरोड येथे थांबेल. इगतपुरी ते पुणतांबा दरम्यान ही ट्रेन ताशी 110 किमी वेगाने धावेल.