1. मुंबई : कमला नगरमधील झोपडपट्टीत लागली भीषण आग. 2. दिल्लीचे उपमुख्यमंत्री मनीष सिसोदिया यांच्यावर 'फीडबॅक युनिट' या कथित स्नूपिंग प्रकरणात भ्रष्टाचार प्रतिबंधक कायद्यांतर्गत खटला चालवण्यास गृह मंत्रालयाने दिली मंजुरी. 3. हरित ऊर्जेला मुख्य प्राधान्य देण्याच्या भारत सरकारच्या निर्णयामुळे खुश आहे: डेन्मार्कचे एन्व्हॉय.

नागपूर: नागपूर मेट्रोने शिक्षण घेणाऱ्या विद्यार्थांना प्रवासा करणे सुकर व्हावा म्हणून मेट्रोच्या प्रवासात काही सवलती दिल्या आहेत. सध्यस्थितीत नागपूरकर जास्तीत जास्त मेट्रोच्या प्रवासाला पसंती देत आहे. याचकारणामुळे बारावीपर्यंतच्या विद्यार्थ्यांना प्रवास भाड्यात सवलतीनंतर महामेट्रोने पदवी, पदविका, आयटीआय अभ्यासक्रम, तंत्रनिकेतनच्या विद्यार्थ्यांनाही ३० टक्के सवलतीचा निर्णय घेतला आहे. सोमवार १३ फेब्रुवारीपासून तो अंमलात येणार आहे.

https://twitter.com/MetroRailNagpur/status/1625038163394822145

मागील ७ फेब्रुवारीपासून बारावीपर्यंतच्या विद्यार्थ्यांना महामेट्रोने प्रवास भाड्यात ३० टक्के सवलत दिली. आता बारावीच्या पुढील शिक्षण घेणाऱ्या विद्यार्थ्यांनाही ३० टक्के सवलतीचा निर्णय घेतला. तिकीट खिडकीवर महाविद्यालयाचे ओळखपत्र किंवा बोनाफाइड प्रमाणपत्र दाखवून विद्यार्थी सवलत मिळवू शकतील. प्रवासातील प्रत्येक किमीच्या टप्प्यासाठी हि सवलत राहणार आहे. रोख तसेच महाकार्डची सेवा देणाऱ्या स्टेट बँक ऑफ इंडियाने सॉफ्टवेअरमध्ये तशी सुधारणा केली आहे. शाळा, कॉलेजचे ओळखपत्र दाखवून विध्यार्थी स्टेशनवर महाकार्ड घेऊ शकतील.