नुकत्याच झालेल्या बेळगाव महानगरपालिका निवडणुकीमध्ये भाजपाने स्पष्ट बहुमत मिळवल्यानंतर शिवसेना खासदार संजय राऊत यांनी भाजपवर निशाणा साधला होता. तसेच त्यांनी ट्विट करत भाजपकडे 2 मागण्या केल्या. यानंतर भाजप प्रवक्ते केशव उपाध्ये यांनी देखील राऊतांना प्रत्युत्तर देत 5 प्रश्न विचारले आहेत.
केशव उपाध्ये यांनी संजय राऊत यांना ५ सवाल केले आहेत. ‘उर्दूमध्ये होर्डिंग लावणारे, अजान स्पर्धा घेणारे…टीपू सुलतान जयंती साजरी करणारे, आपल्या हिंदू हृदयसम्राट दैवताला जनाब म्हणणारे, स्वतःच्या वसुलीसाठी पोलिस वापरणारे, खरंच मराठी असतात का हो? या ५ प्रश्नांची उत्तर द्या एवढी अपेक्षा मराठी जनता ठेऊ शकते ना?’ असा खोचक टोला केशव उपाध्ये यांनी राऊत यांच्यासह शिवसेनेला लागावला आहे.
संजय राऊतांनी नेमकी काय मागणी केली-
1)बेळगावातील विजयी मराठी उमेदवारांना मुंबईतील हुतात्मा स्मारका समोर डोके टेकून महाराष्ट्र अस्मितेची शपथ घ्यायला लावा आणि बेळगाव पालिकेत महाराष्ट्रत विलीन होण्या बाबत दोन ओळींचा ठराव मंजूर करा..अशा 2 मागण्या संजय राऊत यांनी केल्या होत्या.
