अमरावती जिल्ह्यातील वरुड तालुक्यातील श्री क्षेत्र झुंज येथे बोट बुडाल्याची मोठी दुर्घटना घडली आहे. या अपघातामध्ये ११ जण बुडाल्याचे सांगण्यात येत आहे. त्यापैकी तिघांचे मृतदेह हाती लागले आहेत. इतरांचा शोध घेण्याचे काम सुरु आहे.
स्थानिक आमदार देवेंद्र भुयार यांनी या घटनेबाबत माहिती दिली आहे. वर्धा नदीच्या तिरावर ही घटना घडली आहे. घटनास्थळी पोलीस प्रशासनासह स्थानिक लोक उपस्थित आहेत. यामध्ये ११ जण बुडाले असून तीन जणांचे मृतदेह हाती लागले आहे. यात एका तीन वर्षाच्या मुलाचा देखील समावेश आहे. तर एक पुरुष आणि एका महिलेचा यात समावेश आहे. उर्वरित लोकांचा शोध घेतला जात आहे.
