देशातील कोरोनाबाधितांच्या आकडेवारीत थोडी घट झाली आहे. काल दिवसभरात देशात 14 हजार 148 नवीन कोरोनाबाधितांची नोंद झाली, 302 बाधितांचा मृत्यू झाला आहे. दरम्यान बुधवारी 15 हजार 102 कोरोनाबाधितांची नोंद झाली होती. म्हणजेच कालच्या तुलनेत आज रुग्णवाढ कमी झाली आहे. तर काल दिवसभरात देशात 30 हजार 9 बाधित कोरोनामुक्त झाले आहेत.
केंद्रीय आरोग्य मंत्रालयाने नुकत्याच जारी केलेल्या आकडेवारीनुसार, सध्या देशातील सक्रिय बाधितांची संख्या 1 लाख 48 हजार 359 एवढी झाली आहे. कोरोनामुळे जीव गमावणाऱ्यांची संख्या 5 लाख 12 हजार 924 एवढी झाली आहे. आकडेवारीनुसार, आतापर्यंत 4 कोटी 22 लाख 19 हजार 896 लोक कोरोनामुक्त झाले आहेत.
देशव्यापी कोरोना लसीकरण मोहिमेअंतर्गत, आतापर्यंत सुमारे 176 कोटी कोरोना प्रतिबंधात्मक लसींचे डोस देण्यात आले आहेत. तर बुधवारी दिवसभरात 30 लाख 49 हजार 988 डोस देण्यात आले होते, त्यानंतर आतापर्यंत लसीचे 176 कोटी 52 लाख 31 हजार 385 डोस देण्यात आले आहेत.
केंद्रीय आरोग्य मंत्रालयाच्या माहितीनुसार, आरोग्य कर्मचारी, कोरोना योद्धे आणि इतर आजारांनी ग्रस्त असलेल्या 60 वर्षांपेक्षा जास्त वयाच्या लोकांना 1.94 कोटी (1,94,97,567) पेक्षा जास्त प्रतिबंधात्मक लसी देण्यात आल्या आहेत. देशात कोरोना प्रतिबंधक लसीकरण मोहीम 16 जानेवारी 2021 पासून सुरू झाली आणि पहिल्या टप्प्यात आरोग्य कर्मचाऱ्यांना लसीकरण करण्यात आले. त्याच वेळी, कोरोना योद्धांसाठी लसीकरण मोहीम 2 फेब्रुवारीपासून सुरू झाली
