फक्त भारतातच नाही तर संपूर्ण जगातच WhatsApp Users ची संख्या मोठी आहे. कंपनीच्या सातत्याने येणाऱ्या नव-नवीन अपडेट्स मुळे हे App युजर्सच्या पसंतीचे झाले आहे. गेल्या काही महिन्यांत, लोकप्रिय मेसेजिंग ॲप, WhatsApp ने अनेक नवीन अपडेट्स (New Updates) जारी केले असून ते युजर्सना देखील भुरळ घालत आहेत. त्यापैकी एक WhatsApp Payment Feature देखील आहे. या फीचरच्या माध्यमातून तुम्ही मित्र आणि नातेवाईकांना सहज पैसे पाठवू शकाल. व्हॉट्सॲपचे हे पेमेंट फीचर युनिफाइड पेमेंट्स इंटरफेस (युपीआय) वर आधारित आहे. जेणेकरून तुम्ही थेट मोबाइल ॲपवरून पैसे पाठवू आणि प्राप्त करू शकाल. पाहा यात नेमका काय बदल झाला आहे.
WhatsApp चॅटबॉक्समध्ये असणार ‘₹’ चिन्ह :
अलीकडेच WhatsApp बनवणाऱ्या Facebook ने आपल्या भारतीय युजर्ससाठी एक विशेष अपडेट जारी केले आहे. हा बदल व्हॉट्सॲप पेमेंट्स फीचरशी संबंधित आहे. कंपनीने ग्लोबल फिनटेक फेस्टिव्हल (GFF) 2021 मध्ये जाहीर केले आहे की, आतापासून सर्व व्हॉट्सॲप युजर्सच्या चॅट बॉक्समध्ये ‘₹’ रुपयाचे चिन्ह जारी केले जाईल, ज्यामुळे व्हॉट्सॲप पेमेंट फीचर वापरणे सोपे होणार आहे.
व्हॉट्सॲपच्या चॅट बॉक्समधील कॅमेरा आयकॉन युजर्सना भारतातील 20 दशलक्षाहून अधिक स्टोअरमध्ये कोणताही क्यूआर कोड स्कॅन करून हे वैशिष्ट्य वापरण्याची परवानगी देईल. गेल्या वर्षी नोव्हेंबरमध्ये कंपनीने व्हॉट्सॲपचे फेज वाइज पेमेंट्स फीचर जारी केले होते अशी माहिती फेसबुकने देखील जारी केली आहे.
