आर्यन खान प्रकरणात वादात सापडलेले अमली पदार्थ नियंत्रण विभागाचे (एनसीबी) विभागीय संचालक समीर वानखेडे हे मुस्लीम आहेत की नाही यावरुन राज्यातील राजकारण चांगलेच तापले आहे. याचसंदर्भात समीर यांचे वडील ज्ञानेश्वर वानखेडे यांनी आज एक अगदीच वेगळा दावा केला असू हा दावा सध्या सोशल नेटवर्किंगवर चर्चेचा विषय आहे. समीर यांच्या वडिलांबरोबरच त्यांच्या पत्नीने म्हणजे क्रांती रेडकरेनेही दाऊद नाव निकाह नाम्यावर कुठून आलं याबद्दलचं उत्तर एएनआयशी बोलताना दिलं आहे.
दरम्यान, समीर वानखेडे यांच्या पत्नी क्रांती रेडकर यांनी नवाब मलिक यांच्याविरोधात एफआयआर दाखल केल्याचे सांगितले आहे.”निकाहनामा बरोबर आहे. निकाह झाला पण समीरने कायदेशीररित्या धर्म, जात बदलली नाही. माझी सासू मुस्लिम असल्याने आणि त्यांच्या आनंदासाठी निकाह झाला ही केवळ औपचारिकता होती. नवाब मलिक यांनी शेअर केलेले जन्म प्रमाणपत्र चुकीचे आहे.” असे क्रांती रेडकर म्हणाल्या.
