गुजरातच्या मुख्यमंत्रिपदी भूपेंद्र पटेल यांची निवड करण्यात आली आहे. विजय रुपाणी यांनी काल राजीनामा दिल्यानंतर नव्या विधीमंडळ नेत्याची निवड करण्यासाठी आमदारांची बैठक बोलविण्यात आली होती. गुजरातचे मुख्यमंत्री विजय रुपाणी यांनी मुख्यमंत्रिपदाचा राजीनामा दिला दिल्यानंतर मुख्यमंत्रिपदी कोण विराजमान होणार याकडे लक्ष लागले होते. पुढील वर्षी डिसेंबर २०२२ मध्ये गुजरातमध्ये विधानसभा निवडणुका होणार आहेत, त्याआधी विजय रुपाणी यांनी मुख्यमंत्रिपदाचा राजीनामा देणे ही पक्षासाठी पॅचअप मोहीम असल्याचे बोलले जात आहे.
गुजरातच्या मुख्यमंत्रिपदासाठी चंद्रकांत पाटील, नितीन पटेल, केंद्रीय आरोग्यमंत्री मनसुख मांडविया, पुरुषोत्तम रुपाला यांची नावे चर्चेत होती. मात्र, पंतप्रधान नरेंद्र मोदी आणि अमित शहा यांनी गुजरातच्या मुख्यमंत्रिपदी भूपेंद्र पटेल यांची निवड केली आहे. आज नव्या मुख्यमंत्रिपदाचा शपथविधी सोहळा होणार असल्याचे समजते.
