राज्याचे माजी मुख्यमंत्री आणि विरोधी पक्षनेते देवेंद्र फडणवीस यांनी काही दिवसांपूर्वी मला अजूनही मुख्यमंत्री असल्यासारखेच वाटते, असे वक्तव्य केले होते. यावरून धुळ्यातील कृषिकन्या प्रियंका जोशी हिने कवितेतून देवेंद्र फडणवीस यांचा समाचार घेतला आहे. प्रियंकाने एक कविता लिहिली असून सध्या ती सोशल मीडियावर जोरदार व्हायरल झाली असून सर्वत्र धूमाकूळ करीत आहे. काही महिन्यांपूर्वी ‘मला आमदार झाल्यासारखं वाटतंय’ हे गाणं प्रचंड गाजलं होतं. यावरूनच कृषिकन्या प्रियंकाने फडणवीसांवर निशाणा साधत ‘मला मुख्यमंत्री असल्यासारखं वाटतंय’ ही कविता लिहिली आहे.
अशी आहे कविता…..
सत्ये माघ किती घोळक्यात गोंडा ग..
माझ्या काळजात रवला खुर्चीचाच झेंडा ग..
मला भरलं मुख्यमंत्री पदाच वार ग…
मी मुख्यमंत्रिपदाचाच उमेदवार ग..
विरोधी बाकावर बसून काळीज तूटतय..
जेव्हा मी बघतोय उद्धव साहेबांच्या कामाकडं, मला मुख्यमंत्री असल्यासारखंच वाटतंय..
जेव्हा मी बघतो उद्धव साहेबांच्या प्रसिद्धीकडं, मला मुख्यमंत्री असल्यासारखं वाटतंय..!
