ठेकेदारांनो जरा वाचायला शिका म्हणत ‘जय भवानी’ घोषणेबाबत वंचित बहुजन आघाडीचे प्रमुख प्रकाश आंबेडकर यांनी मोठा दावा केला आहे. सर्वप्रथम डॉ. बाबासाहेब आंबेडकर यांनी जय भवानी ही घोषणा दिल्याचे प्रकाश आंबेडकर यांनी सांगितले. प्रकाश आंबेडकरांनी याला दुजोरा देण्यासाठी बाबासाहेब आंबेडकर यांच्या अधिकृत लेटर हेडवर भवानीचे चित्र असल्याचेही नमूद केले.
प्रकाश आंबेडकर म्हणाले, काही ऐतिहासिक तथ्यांचा उलगडा छत्रपती शिवाजी महाराज जयंतीच्या निमित्ताने होणे गरजेचे आहे. आंबेडकरी चळवळ व शिवाजी महाराज हे नाते जुने आहे. जय भवानी ही घोषणा सर्वप्रथम डॉ. बाबासाहेब आंबेडकरांनी दिली. परळच्या दामोदर हॉल येथे बाबासाहेबांना भेटायला येणारे लोक हे एकमेकांना ‘जय भवानी’ असे अभिवादन करत असत. त्याकाळी बाबासाहेबांच्या अधिकृत लेटर हेडवर भवानीचे चित्र असे.
महाड सत्याग्रहाच्या वेळी डॉ.बाबासाहेब आंबेडकरांनी शिवाजी महाराज, महात्मा फुले व गांधीजींच्या प्रतिमा ठेवल्या होत्या. महाड सत्याग्रहाच्या वेळी दासगाव ते महाडपर्यंत निघालेल्या जमावाने “शिवाजी महाराज”, “राजमाता जिजाऊ” यांचा जयजयकार करायला सुरुवात केली होती. ठेकेदारांनो जरा वाचायला शिका, असं प्रकाश आंबेडकर यांनी म्हटले.
