‘मुसलमान या देशाचे नागरिक आहेत व त्यांनी या देशाचे संविधान पाळूनच आपला मार्ग बनवला पाहिजे असे सांगण्याची हिंमत ओवेसींमध्ये ज्या दिवशी येईल त्या दिवशी ओवेसी यांना राष्ट्रीय नेते म्हणून प्रतिष्ठा मिळेल, नाहीतर भाजपसारख्या राष्ट्रीय पक्षांचे अंगवस्त्र म्हणूनच त्यांच्याकडे पाहिले जाईल, अशी टिप्पणी शिवसेना नेते संजय राऊत यांनी आजच्या ‘सामना’ अग्रलेखातून केली आहे.
यावर भाजपचे आमदार गोपीचंद पडळकर यांनी प्रतिक्रिया देत राऊत आणि शिवसेनेवर हल्ला चढवला आहे. ‘ओवैसीला आलिंगन घालून मालेगाव आणि अमरावतीत सत्तेच्या इदीचा नजराणा तुम्ही पेश केला होता. आता ‘जनाब राऊत MIM की मुहब्बत कौन है?’हे महाराष्ट्राला माहितीये. महाआघाडीचे मदारी डमरू वाजवतात आणि कोलांट्या उड्या मारता. हे रोजच मनोरंजन बंद करा अशी टीका पडळकर यांनी केली आहे.
