मुंबई: ओबीसी पदाधिका-यांचे बुधवार दि २५ मे रोजी सकाळी १० वाजता राज्यस्तरीय अधिवेशन संपन्न होणार आहे. राष्ट्रवादी काँग्रेस पार्टी ओबीसी सेल महाराष्ट्र प्रदेश द्वारा केंद्र सरकार कडून ओबीसींचे हक्क हिसकावण्याच्या विरोधात, सापत्नीक वागणूक, जातीय जनगणना, ओबीसींचं राजकीय आरक्षण, बारा बलुतेदार आणि अठरा अलुतेदार यांच्यावर आलेले आर्थिक संकट, ओबीसी व्हिजेएनटी यांच्यासाठी संघर्षाचा लढा, मंडल आयोगाची संपूर्णपणे अंमलबजावणी अशा अनेक महत्त्वपूर्ण विषयावर मार्गदर्शन करण्यात येईल.
प्रदेशाध्यक्ष जयंत पाटील, ओबीसीचे राष्ट्रीय नेते अन्न नागरी पुरवठा मंत्री छगन भुजबळ साहेब, खा सुप्रियाताई सुळे यांच्या प्रमुख उपस्थितीत सन्माननीय मंत्री ना हसन मुश्रीफ साहेब, ना जितेंद्र आव्हाड साहेब, ना धनंजय मुंडे साहेब, ना दत्ता मामा भरने, ना आदिती तटकरे, प्रदेशाध्यक्ष ईश्वर बाळबुधे प्रमुख पाहुणे असेन त्यांचे देखील मार्गदर्शन होणार आहे.
मार्गदर्शनापूर्वी ओबीसी घटकातील विविध समाज बांधव, पदाधिकारी यांचेसोबत चर्चासत्र तसेच त्यांना भेडसावऱ्या समस्या आणि ओबीसी घटकातील विविध समाजाच्या मागण्याचे ठराव मांडण्यात येणार आहे.
या अधिवेशनला राष्ट्रवादी काँग्रेस पार्टी ओबीसी सेलचे राज्यातील प्रदेश पदाधिकारी, जिल्हाध्यक्ष, शहराध्यक्ष, विभागीय अध्यक्ष, विधानसभा अध्यक्ष,तालुकाध्यक्ष आणि ओबीसी चळवळीचे प्रमुख कार्यकर्ते यांची उपस्थिती राहणार आहे. अधिवेशनाला ओबीसी घटकातील तरूणांनी मोठ्या संख्येने उपस्थित रहावे असे आव्हान प्रदेशाध्यक्ष ईश्वर बाळबुधे यांनी केले.
