नवी दिल्ली: विवाहाशिवाय जन्माला आलेल्या मुलाचाही वडिलांच्या इस्टेटीत हक्क असल्याच मत नोंदवत सर्वोच्च न्यायालयाने एक निर्णय दिला आहे.
कोर्टाने म्हटल आहे की, जर स्त्री आणि पुरुष दीर्घकाळ एकत्र राहत असतील, तर ते लग्न मानले जाईल आणि या नात्यातून जन्मलेल्या मुलांनाही वडिलांच्या इस्टेटीत हक्क मिळेल. केरळ येथील उच्च न्यायालयाने एका खटल्यामध्ये तरुणाला त्याच्या वडिलांच्या संपत्तीत हक्कदार म्हणून नाकारले होते. याचे कारण त्याच्या पालकांचे लग्न झाले नव्हते.
या निकालावर सर्वोच्च न्यायालयाने मत नोंदवत, दोघांचे लग्न झाले नसले तरी दोघेही पती-पत्नीसारखे (लिव्ह इन रिलेशन) दीर्घकाळ एकत्र राहत असल्याचा न्यायालयाने निर्वाळा दिला. अशा परिस्थितीत मूल दोघांचे असल्याचे डीएनए चाचणीत सिद्ध झाल्यास वडिलांच्या मालमत्तेवर मुलाचा पूर्ण हक्क आहे असे सर्वोच्च न्यायालयाने म्हंटले आहे.
