नागपूर: छत्रपती शिवाजी महाराज पाहिजे; पंरतु माझ्या घरी नाही, शेजारच्या घरी. ही धारणा आजच्या जिजाऊंच्या लेकींना शोभणारी नाही. असे प्रतिपादन आंबेडकरी महिला मोर्चा उत्तर नागपूरच्या अध्यक्षा अर्चना मेश्राम यांनी केले.
त्या आंबेडकरी विचार मोर्चाच्यावतीने आयोजित करण्यात आलेल्या राजमाता जिजाऊ यांच्या जयंतीनिमित्त कास्टाईब कार्यालयात अभिवादनीय कार्यक्रमात बोलत होत्या. त्या पुढे म्हणाल्या,’ ज्या राजमाताने या रयतेच्या रक्षणासाठी शिवाजी महाराजांच्या रूपाने या देशाला ‘सिंह’ दिला त्या मातेच्या संस्कारांची आज जिजाऊ, सावित्रीबाई आणि रमाबाईंच्या लेकींची घरात आवश्यकता असल्याचे मेश्राम म्हणाले.
याप्रसंगी आदरांजली कार्यक्रमात प्रामुख्याने आंविमोचे राष्ट्रीय अध्यक्ष नारायण बागडे, प्रदेश उपाध्यक्ष नामदेवराव निकोसे, ओबीसी नेते राजुदादा पांजरे मामासाहेब मेश्राम, प्रविण आवळे, हंसराज उरकुडे, मिना राव, सरोज खोब्रागडे, वंदना तांबे हमिदा शेख, महानंदा इलमकर उपस्थित होते.
