_ नवाब मलिक यांचा घणाघाती आरोप_
देशात राष्ट्रवादीचे नेते नवाब मलिक आणि समीर वानखेडे हे प्रकरण सध्या चांगलेच पेटले आहे. यावरून आरोप-प्रत्यारोपाचा प्रकार सुरु असल्याचे चित्र दिसत आहे. आज पुन्हा एकदा नवाब मलिक यांनी पत्रकार परिषदेमध्ये समीर वानखेडे यांच्यावर घणाघाती आरोप केले आहे. वानखेडेंनी अनेक निर्दोष लोकांना एनडीपीएस गुन्ह्यात अडकवलं असल्याचा धक्का आरोप त्यांनी केल्याने एकच खळबळ उडाली आहे.
याबाबत नवाब मलिक म्हणाले, एखाद्याच्या घरात कमी प्रमाणात ड्रग्ज सापडलं तर त्याचे प्रमाण वाढवून सांगण्यात येतं. जामीन मिळू नये यासाठी सापडेल्या ड्रग्जचे प्रमाण हे कमर्शियल किंवा इंटरमिजिएट असल्याचं सांगितलं जातं. त्यामुळे संबंधित व्यक्तीला जामीन मिळत नाही. नकली पंचनामे तयार करण्यात येतात. त्या पंचनाम्यामध्ये त्यांना हवं तसं लिहिलं जातं. वानखेडे त्यांच्या खबऱ्यांकडून ड्रग्ज खरेदी करवून खोट्या केसेस बनवत आहेत असा खळबळजनक आरोप या पत्रात केला आहे.
