राज्याचे मुख्यमंत्री उद्धव ठाकरे यांच्याबाबत वादग्रस्त वक्तव्य केल्याप्रकरणी आधी अटक आणि नंतर सुटका झालेल्या केंद्रीय मंत्री नारायण राणे यांनी नाव घेता एक खळबळजनक आरोप केला आहे. ‘आम्हालाही जुन्या गोष्टी माहित आहेत. आपल्याच बंधुच्या पत्नीवर म्हणजेच वहिनीवर ॲसिड फेकायला कुणी सांगितलं?’, असा आरोप राणे यांनी रत्नागिरी येथे जनआशीर्वाद यात्रेदरम्यान केला आहे. तुम्ही जुनी गोष्टी उकरून काढल्या तर आम्हीही जुनी प्रकरण टप्प्याटप्प्यानं बाहेर काढू, असा गर्भित इशारा राणे यांनी दिला आहे.
केंद्रीय उद्योगमंत्री नारायण राणे यांची जनआशीर्वाद यात्रा पुन्हा आज शुक्रवारी (दि.२७) रत्नागिरी येथून सुरु झाली. राणेंच्या आगमनावेळी कार्यकर्त्यांनी मोठी गर्दी केली. या ठिकाणी मोठ्या प्रमाणात पोलिस बंदोबस्त ठेवण्यात आला आहे. रत्नागिरी दौरा ४ वाजता आटोपून राणे सिंधुदुर्गात जाणार आहे.
